Ana səhifə Planet |
ABŞ, Böyük Britaniya və Fransa Suriyadakı hədəflərə 105 raket atıb və heç bir raket Suriyanın havadan müdafiə sistemləri tərəfindən vurulmayıb.
Axar.az xəbər verir ki, bu sözləri ABŞ Baş Qərargahının sözçüsü Kennez Makkenzi deyib.
O bildirib ki, hücum üçün seçilən 3 hədəfə qarşı əməliyyatlarda Qırmızı dəniz, Bəsrə körfəzi və Aralıq dənizində yerləşən ABŞ-a aid esmineslər, sualtı gəmilər və B-1B bombardmançı təyyarələri iştirak edib.
Makkenzi Fransaya məxsus döyüş gəmisinin, "Rafales" və "Miraj" qırıcılarının da əməliyyata qatıldığını bildirib.
Qərargah nümayəndəsi İngiltərəyə məxsus “Tayfun” və “Tornado” tipli bombardmançı təyyarələrin də əməliyyatda yer aldığını əlavə edib.
Qeyd edək ki, bundan öncə Fransanın esmineslərdən zərbə endirdiyi açıqlansa da, qırıcılarla hücuma qatıldığı bildirilməmişdi. Həmçinin, Britaniyanın yalnız 4 "Tornado" ilə zərbə endirdiyi açıqlanmışdı.
Rusiya ümumilikdə 103 raket atıldığı, bunlardan 71-nin Suriya HHM qüvvələri tırəfindən məhv edildiyini bildirmişdi.
Tarix
2018.04.15 / 22:11
|
Müəllif
Kamran Ədalət
|