Egey dənizində zaman-zaman qonşumuz Yunanıstanın gərginliyi artırmağa, təhrikə hesablanmış cəhdləri olduğu məlumdur. Son zamanlar da bu cəhdlərdə artım gözə çarpır.

Axar.az xəbər verir ki, bu sözləri Türkiyənin Baş naziri Binəli Yıldırım deyib.

“Yenə Didim yaxınlığında yaşayış ərazisi olmayan qayalıqlara yunan bayrağı sancma cəhdi oldu. Bununla bağlı sahil mühafizəsi dəstələrimiz lazım olan müdaxiləni həyata keçirdilər və oradan o bayrağı götürdülər”, - Yıldırım bildirib.

NTV hadisənin ötən cümə baş verdiyini, informasiya daxil olduqdan sonra SAT komandoslarının bölgədəki Xurşud qayalığına çıxaraq, yunan bayrağını oradan götürdüyünü yazıb.