“Sinopsis” şirkətinin Ermənistan bölməsi İrəvandakı etiraz aksiyalarına qoşulub.

Axar.az xəbər verir ki, şirkətin əməkdaşları Arşakunyats prospektindəki aksiyalara qoşulublar. Bu məlumatı artıq şirkətdən də təsdiqləyiblər. Aksiyalara qoşulan etirazçıların sayı 700 nəfər olub. Şirkət işçiləri artıq ofisdəki bütün rəsmi şəxslərin, siyasi xadimlərin fotolarının yığışdırıldığını bildirib.

Qeyd edək ki, “Sinopsis Ermənistan” şirkəti ABŞ-ın “Sinopsis” şirkətinin nümayəndəliyidir. Şirkətin Ermənistan bölməsinə İrəvan Ağsaqqallar Şurasındakı Respublika Partiyası fraksiyasının rəhbəri Ovik Musaelyan rəhbərlik edir.