Ana səhifə Planet |
ABŞ-ın nüvə sazişindən geri addım atmasına hazırıq və düşmənlərin gözlədiyi, hətta gözləmədiyi hər şey üçün strategiyamız var və bunları sürətlə tətbiq edəcəyik
Axar.az xəbər verir ki, bu sözləri İran Prezidenti Həsən Ruhani deyib. Dolların kursunu ABŞ-ın planlarını boşa çıxarmaq üçün sabit saxladıqlarını bildirən Ruhani bunun iranlılara uyğun bir qərar olduğunu vurğulayıb:
“ABŞ 12 apreldə iranlılara qarşı addımlar ataraq daxili bazara təzyiq edə biləcəklərini ümid edirdilər. Bu qərar ABŞ-ın verəcəyi qərara qarşı bir şillədir”.
Xalqın kifayət qədər məlumata sahib olmadığını və gələcəyə dair plan qura bilmədikləri zaman hirslənib küçələrə çıxdığını söyləyən Ruhani bəzi dövlət rəsmilərini sərt tənqid edib:
“Rəsmilərimiz sanki səssizlik andı içiblər. Onlara kimin nə söylədiyini bilmirəm. Niyə qorxduqlarını da bilmirəm. Təhdidləri vecinizə almayın. Əgər təhdidlərə cavab verməkdən qorxursunuzsa, mənə göndərin, mən cavab verərəm”.
Tarix
2018.04.21 / 20:07
|
Müəllif
Nərmin Əkbərli
|