Ana səhifə Planet |
Türkiyə Prezidenti Rəcəb Tayyib Ərdoğan NTV kanalında növbədənkənar prezident seçkiləri ilə bağlı sualları cavablandırıb.
Axar.az xəbər verir ki, Ərdoğan müsahibə zamanı növbədənkənar seçkilər barədə əvvəlcədən düşünmədiyini və bunun ani qərar olduğunu bildirib.
“Çərşənbə axşamı dostlarla iclas keçirdik və iclasa Baxçalı ilə birgə qatıldıq. İclasda təkliflərə qarşı bir təklif irəli sürdük. Onlar da bu təklifi müsbət qarşıladılar. 24 iyunda məktəblərin bağlanacağı və universitetlərdə imtahanlar keçiriləcəyini nəzərə alaraq bu tarixi seçdik. Universitetə daxil olmaq üçün keçirilən imtahanları da 1 həftə sonraya saldılar. Baxçalı qərarı açıqladığı an yolda idim. Növbədənkənar seçki AKP olaraq bizim prinsiplərimiz arasında yox idi. Biz növbədənkənar seçki olmayacağını bildirmişdik. Əvvəlcədən qəti olaraq belə bir qərarımız yox idi”, - deyə o bildirib.
“Millətimiz "davam" desə, davam edərik, "tamam" desə hörmət edərik" - deyən Ərdoğan Türkiyənin durmadan inkişaf etdiyini bildirib:
"Bütün dünya Türkiyədəki inkişafı izləyir. Türkiyə siyasət, hərbi, iqtisadi sahədə, manelərə baxmayaraq, inkişaf edir”.
Qeyd edək ki, Türkiyədə 24 iyunda növbədənkənar prezident seçkiləri keçiriləcək.
Tarix
2018.04.21 / 23:22
|
Müəllif
Nərmin Əkbərli
|