Şimali Koreya ilə danışıqlar zamanı heç bir məsələdə kompromisə getməmişik.

Axar.az xəbər verir ki, bu sözləri ABŞ Prezidenti Donald Tramp Tvitter səhifəsində yazıb. O, Şimali Koreya ilə danışıqlarda həddindən artıq güzəştə gedildiyini deyən NBC televiziyasının siyasi xəbərlər üzrə direktoru Çak Todda cavab verib:

“Yalan xəbər kanalı NBC-nin "yuxulu gözləri" Çak Todd Şimali Koreya ilə müzakirələrdə həddindən artıq güzəştə getdiyimizi, ancaq onların heç bir şeydən imtina etmədiyini söyləyib. Biz heç nədən imtina etməmişik, onlar denuklearizasiyanı, müəssisələri bağlamağı və sınaqları dayandırmağı qəbul edib. Şimali Koreya məsələsində nəticəyə gəlmək üçün hələ tezdir. Bəlkə olar, bəlkə olmaz, bunu zaman göstərəcək. İndi gördüyüm iş məndən əvvəl yerinə yetirilməli idi”.