Türkiyədə CHP sədri Kamal Kılıçdaroğlu qəribə seçki taktikasına əl atıb.

Axar.az xəbər verir ki, CHP sədrinin partiya üzvləri ilə məsləhətləşmədən verdiyi qərarla 15 millət vəkilinin İYİ Partiya sıralarına daxil olması Maral Akşənəri namizəd olmaq üçün 100 min imza toplamaqdan xilas edib.

2014-cü ildə ABŞ hökuməti ilə yaxınlığı ilə seçilən Əli Rza Bozqurdla görüşdükdən sonra partiyasının prezidentliyə namizədini açıqlayan Kılıçdaroğlunun bu dəfə də xaricdən yönləndirildiyi iddia edilir. Belə ki, CHP sədrinin rezonans doğuran millət vəkili transferi taktikasının (ABŞ) və bundan sonra atacağı addımların qabaqcadan təyin edildiyi və kuryer vasitəsilə partiya sədrinə çatdırıldığı qeyd olunur.