Həyat yoldaşımla Türkiyə Prezidenti Rəcəb Tayyib Ərdoğanla görüşdüyüm qrafikdə görüşə bilirəm.

Axar.az xəbər verir ki, bunu NTV kanalında əyləncə proqramına qatılan Rusiya prezidentinin mətbuat katibi Dmitri Peskov deyib. O, işlərinin çoxluğuna görə həyat yoldaşı Tatyana Navkanı görməyə vaxt tapmadığını söyləyib:

“Həyat yoldaşımla əvvəlki kimi nadir hallarda görüşürük. Bəlkə də buna görə münasibətlərimizdə soyuqluq yaranmır”.

Peskov Rusiya prezidentinin onun haqqında söylədiyi “Peskov bəzən çərənləyir” sözlərinə də münasibət bildirib:

“Ölkə rəhbəri televiziyada çox az sayda adamın danışıqlarını şəxsən izləyir. Ən yüksək qiymətləndirmə bu deyilmi?”

Qeyd edək ki, Rusiya Prezidenti Vladimir Putin ABŞ-ın NBC televiziyasına müsahibəsində demişdi: “Dimitri Peskov bəzən elə çərənləyir ki, televizorda izləyərkən öz-özümə fikirləşirəm: Bu adam nə danışır, bu səlahiyyəti ona kim verib?”