ABŞ Dövlət katibi Mayk Pompeo və Maliyyə naziri Stiven Mnuçin Avropa Birliyinə aid şirkətlərə qarşı İran məsələsində xüsusi istisnalar edilməsinə rəsmi şəkildə icazə verməyiblər.

Axar.az xəbər verir ki, bu barədə “Faynənşl Tayms” qəzeti məlumat yayıb.

AB şirkətlərinə qarşı xüsusilə maliyyə, energetika sahəsində güzəştlərə icazə verilməyib.

Qeyd edək ki, bundan öncə Almaniya, Fransa, Britaniya xarici işlər və maliyyə nazirləri ABŞ-a müraciət ediblər. Onlar İrana qarşı sanksiyaların tətbiq edilməməsini, eləcə də sanksiyalar tətbiq olunacağı halda AB şirkətlərinə bunun aid edilməməsini istəyiblər.

ABŞ bundan öncə İrana qarşı sanksiyalar tətbiq edəcəyini açıqlayıb. Sanksiyalar avqustdan etibarən tətbiq ediləcək, noyabr ayında sanksiyalar İran neftinin tədarükünə də tətbiq olunacaq.