Makedoniyanın adının dəyişdirilməsi ilə bağlı müqavilənin imzalanmasına qarşı Skopyedə Afina ilə birgə keçirilən etirazları Rusiya təşkil edib.

Axar.az xəbər verir ki, bu barədə OCCRP (Korrupsiya və Mütəşəkkil Cinayətkarlığın Araşdırılması Mərkəzi) məlumat yayıb.

Rusiyanın bu iş üçün Moskvaya yaxınlığı ilə seçilən yunan biznesmenlərdən istifadə etdiyi iddia edilib. Bildirilir ki, istifadə edilən biznesmenlərdən biri PAOK idman klubunun rəhbəri İvan Saviddis olub. O, etirazların dəstəklənməsi üçün 300 min avro maliyyə yardımı ayırıb.

Saviddisin ayırdığı pullar sərhəddən nağd formada keçirilib. Daha sonra bu vəsait müxtəlif siyasətçilər, radikal qruplar və “Vardar” futbol klubunun fanatları arasında paylanıb.