Türkiyə polisinin keçirdiyi uğurlu əməliyyat nəticəsində saxlanılan Adnan Oktar və digər mütəşəkkil cinayətkar dəstə üzvlərinin ifadələri alınmağa başlanılıb.

Axar.az xəbər verir ki, indiyə qədər artıq 187 nəfər polis bölməsində dindirilib.

Bir çox ittihamla şübhəli bilinən, din pərdəsi altında gizlənməyə çalışan Oktarın ifadəsi alınan zaman yanında 3 vəkil olub. Saatlarla davam edən dindirilmə zamanı Oktar rəhbəri olduğu icmanı dini qrup olaraq qələmə verib və barəsindəki heç bir ittihamla razılaşmadığını bildirib.

Adnan Oktar polislərin psixi vəziyyətinin yerində olub-olması ilə bağlı sualına isə “yerindədir” deyib.