Rusiyanın “Xəncər” hipersionik raketləri ilə təchiz edilmiş MiQ-31 qırıcıları bu ilin aprelindən etibarən Xəzər dəniz akvatoriyasında döyüş növbətçiliyinə başlayıblar.

Axar.az xəbər verir ki, bu barədə məlumatı Rusiya Müdafiə Nazirliyi yayıb. Məlumatda deyilir ki, “Xəncər” (“Kinjal”) kompleksi daşıyan qırıcılar strateji çəkindirmə tədbirləri çərçivəsində bu ilin aprel ayından Xəzər dənizi üzərində “planlı növbətçilik” həyata keçirirlər.

Qeyd edək ki, “Xəncər” raketləri haqqında ictimaiyyətə ilk dəfə bu ilin martında məlumat verilib. Bu raketlərin 2 min kilometr məsafədəki bütün hədəfləri məhv etmək gücündə olduğu bildirilib.