Ana səhifə Planet |
Çin ABŞ-ın Asiya-Sakit okean regionundakı aqressiv mövqeyi ucbatından öz nüvə silahlarının sayını artırmaq məcburiyyətində qalacaq.
Axar.az xəbər verir i, bu iddia ilə Çinin “Qlobal Tayms” qəzeti çıxış edib.
“Çinin nüvə gücü ABŞ-ın yeritdiyi aqressiv siyasətə qarşılıq vermək üçün yetərli deyil. ABŞ-ın strateji üstünlüyünü qismən onun atom silahı baxımından əldə etdiyi üstünlüklə də izah edirlər. Çin strateji nüvə silahının inkişafı prosesini, Denfun-41 kimi raketlərinin təkmilləşdirilməsini sürətləndirməlidir. Biz təkcə güclü nüvə arsenalına sahib olmamalıyıq, həm də dünyaya mesaj verməliyik ki, Çin öz milli maraqlarını atom silahının köməyi ilə sərt şəkildə qorumağa hazırdır.
Çin kiçik ölkə deyil. Bizə sadəcə kiçik atom silahı ehtiyatı lazımdır ki, kritik anlarda kimlərisə qorxuda bilək”, – deyə məqalədə bildirilib.
Qeyd edək ki, hazırda dünyada nüvə silahlarının sayına görə Rusiya birinci (7200 döyüş başlığı var), ABŞ isə ikinci yeri (7000) tutur. İlk beşliyi Fransa (300), Çin (260) və Britaniya (215) qapadır.
Tarix
2018.07.21 / 15:54
|
Müəllif
İlkin Həsənov
|