17:27

İtaliyanın Boloniya hava limanı yaxınlığında partlayış baş verib.

Axar.az xəbər verir ki, İtaliya mətbuatı partlayışın hava limanının yaxınlığında yerləşən avtomobil yollarından birində qeydə alındığı haqqında məlumat yayıb.

Hadisə yerinə çoxlu sayda polis və təcili tibbi yardım avtomobilinin gətirildiyi vurğulanıb. Partlayışla əlaqədar hava limanının yaxınlığından keçən yol tam qapadılıb.

***

Boloniya hava limanının yaxınlığında yanacaqla dolu tanker partlayıb.

Partlayış nəticəsində ən azı 2 nəfər ölüb, 70-ə yaxın yaralı var. Yaxınlıqda olan 10 avtomobil də partlayıb. Partlayışa səbəbin tankerlə digər avtomobillərin toqquşması olduğu bildirilib.

Əhaliyə Borqo Paniqale bölgəsindən uzaq durmaq barədə xəbərdarlıq edilib.

***

Partlayış nəticəsində yaralıların sayı 84-ə çatıb. 14 nəfər isə ağır durumdadır.