Ana səhifə Planet |
Türkiyə və Rusiya XİN rəhbərlərinin görüşü iki ölkənin yaxınlaşması baxımından çox önəmlidir.
Axar.az xəbər verir ki, bu sözləri rusiyalı siyasi ekspert Dmitri Savelyev Rusiya Xarici İşlər naziri Sergey Lavrovla türkiyəli həmkarı Mövlud Çavuşoğlunun Ankarada görüşməsi ilə bağlı danışarkən deyib:
“Bu, Yaxın Şərqdə siyasi sabitlik üçün oynadıqları rol kiçik hesab edilməyəcək Türkiyə ilə Rusiyanın yaxınlaşması istiqamətində əhəmiyyətli addımdır. Ölkələrimizin miqrantların torpaqlarına qayıtması, qanlı müharibəyə səhnə olan bu bölgədə həyatın yenidən başlaması üçün göstərdiyi səylər yaxın müddətdə ərazidə sabitliyin və sülhün təmin olunmasına ümidləndirir”.
Qeyd edək ki, Rusiya Xarici İşlər naziri Sergey Lavrov bu gün Ankarada Türkiyə Xarici İşlər naziri Mövlud Çavuşoğlu ilə görüşüb. Görüşdə Rusiya-Türkiyə əlaqələri, Suriya, Yaxın Şərq, Cənubi Qafqaz, Mərkəzi Asiya, Ukrayna və Qara dəniz regionundakı vəziyyət müzakirə edilib.
Tarix
2018.08.14 / 17:25
|
Müəllif
Büllurə Yunus
|