Ukraynanın hökümət saytları güclü kiber hücumlara məruz qalıb.

Ukraynanın Daxili İşlər Nazirliyinin saytı hakerlərin hücum obyekti olub.

Hakerlər DİN-in saytında mitinqlərin dağıdılmasına etirazlarını bildirib. Hakerlər Kiyevin Müstəqillik Meydanında polisin nümayişçilərə qarşı vəhşiliyinin yol verilməz olduğunu DİN-in saytının ana səhifəsinə yerləşdiriblər. Həmçinin bu hücumların başlanğıc olduğunu deyib.

Hazırda DİN-in saytı fasilələrlə işləyir.

Qeyd edək ki, Ukraynanın Avropa İttifaqı ilə assosasiya sazişini imzalamaqdan imtina etməsi barədə bəyanatı ölkədə güclü ictimai təpki ilə qarşılanıb (anspress)