Kiyevdə müxalifətin mitinqinin dağıdılmasından sonra
Ukrayna paytaxtının milis rəisi Valeri Koryak istefa verib. Amma
bundan əvvəl mitinqin dağıdılması ilə bağlı xidməti yoxlama ilə
əlaqədar o, vəzifəsindən müvəqqəti kənarlaşdırılmışdı.
İstefa qərarını milis rəisi bu gün daxili işlər naziri Vitali
Zaxarçenkonun iştirakı ilə keçirilən kollegiya iclasında açıqlayıb.
Nazir isə bildirib ki, araşdırma müddətində rəis səlahiyyətlərinin
icrasından kənarlaşdırılıb. İstefa müraciətinə isə araşdırmalar
başa çatdıqdan sonra baxılacaq.