Yuxarı

Erməni jurnalist Paşinyanın yalanlarını üzə çıxardı - Fakt

Ana səhifə Planet
12 Punto 14 Punto 16 Punto 18 Punto

Ermənistanın Baş naziri Nikol Paşinyan yeni hökumətin xarici investisiyaların cəlb edilməsi qabiliyyətinə malik olması ilə bağlı lovğalıq edirdi. Amma son məlumatlar bu iddianın yanlış olduğunu göstərir.

Axar.az xəbər verir ki, bu sözləri erməni jurnalist Ani Mejlumyan “Avrasiyanet” (“Eurasienet.org”) saytında yayımlanmış məqaləsində yazıb. O, Paşinyanın ictimaiyyəti aldatması faktlarını üzə çıxarıb:

“Ermənistan Milli Statistika Xidmətinin nəşr etdiyi son məlumatlara görə, 2018-ci ilin ikinci rübündə, Paşinyanın vəzifə müddətinin ilk aylarından xarici investisiyalar əvvəlki ilin eyni dövründəkindən təxminən 43,5% azalıb.

Hökumət səlahiyyətliləri yeni məlumatları birbaşa şərh etməmiş olsa da, Paşinyan dolayı sübutlar əsasında xarici investisiyaların yüksəlməsini iddia edib: “Son üç ay ərzində Ermənistan ötən ilin eyni dövründəkindən 34 min daha çox əcnəbi qarşılayıb. Bu, əslində, investisiya və turizm maraqlarının artımı deməkdir”.

Lakin əldə olunan məlumatlar Paşinyanın bu sözlərinin yalan olduğunu göstərir.

“Ətraf mühitə təsirləri üzündən etirazlara görə mədən ocağında işlər dayandırılıb. Azalmanın qalan hissəsi, ehtimal ki, Ermənistanda qeyri-sabitliyi görən digər xarici firmalarla bağlıdır”, - Paşinyanın iqtisadi müşaviri Artak Manukyan bildirib.

“Bu hökumət müvəqqətidir və hər kəs bunu anlayır. İqtisadi standartlara görə, buraya investisiya yatırmaq risklidir”, - Manukyan “Avrasiyanet”ə bildirib.

Yeni hökuməti narahat edən bir məsələ də odur ki, “Amulsar”la bağlı problemlər Ermənistanı investisiya üçün təhlükəli bir ölkə kimi tanıda bilər.

“Biznes mühiti, investisiya mühiti davamsız ola bilər”, - bunu ABŞ Konqresinin Ermənistandakı səfiri Riçard Mills sentyabrın 5-də keçirilən konfransda deyib:

“Bir dövlət səhvi və ya bir qanun, ya da bir qərar investorları qorxuda bilər. Ona görə də ümid edirəm ki, hökumət buradakı biznes və investisiyalar üçün yaradılmış mühitə diqqət yetirməyə davam edəcək”.

Ancaq Manukyan bunun yalnız qısa müddətli narahatlıq olduğunu söyləyib:

“Qanuna uyğun hərəkət etdiyimiz təqdirdə hər hansı zərərlə qarşılaşacağımızı düşünmürəm. Uzun illər ərzində ətraf mühit məsələlərinə məhəl qoymamışıq. Nəhayət, uzunmüddətli mənfəətləri qısa müddətli xeyirlərdən üstün tuturuq”.

Tarix
2018.09.12 / 17:00
Müəllif
Rəfiqə Əlisafa
Şərhlər
Digər xəbərlər

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla