Ana səhifə Planet |
ABŞ Prezidenti Donald Tramp İspaniya hökumətinə miqrasiya böhranını Saxara səhrasından keçən divar tikməklə həll etməyi təklif edib.
Axar.az xəbər verir ki, bu barədə məlumatı “Qardian” qəzeti yayıb. İspaniya siyasətçiləri Trampa Saxara səhrasının 4,8 min kilometr uzunluqda olduğunu bildirsələr də, ABŞ lideri buna şübhə ilə yanaşıb. O, daha sonra Saxaranın ABŞ-ın Meksika ilə sərhədindən uzun olmadığını iddia edib.
Qəzet İspaniyanın belə layihəni həyata keçirməsinin çətin olacağını vurğulayıb:
“Belə ki, Madridin Şimali Afrikada cəmi iki anklavı var. Əgər o, sözügedən divarı tikmək istəsə, bu, xarici ölkələrin ərazisindən keçəcək”.
Qeyd edək ki, Tramp hakimiyyətə gəlməzdən öncə Meksika ilə sərhəddə 3200 kilometr uzunluqda divar tikəcəyini və bununla qeyri-leqal miqrasiyanın öhdəsindən gələcəyini bəyan etmişdi.
Tarix
2018.09.20 / 17:43
|
Müəllif
İlkin Həsənov
|