Ana səhifə Planet |
Gürcüstan Mərkəzi Seçki Komissiyası (MSK) oktyabrın 28-də keçiriləcək prezident seçkilərində iştirak etmək istəyən 46 nəfərdən 19-nun namizədliyini qeydə alıb.
Axar.az xəbər verir ki, seçkilərə start verildikdən sonra 20 siyasi partiya və 26 təşəbbüs qrupu prezidentliyə namizədini irəli sürüb. Lakin 1 siyasi partiya Ədliyyə Nazirliyində qeydiyyatdan keçmədiyi, 1 təşəbbüs qrupu seçki sənədlərində səhvə yol verdiyi üçün MSK onların namizədliyini qeydə almaqdan imtina edib.
Daha 19 təşəbbüs qrupu namizədlərinin təsdiq olunması üçün lazım olan imzaları MSK-ya vaxtında təqdim edə bilmədiyi üçün onların da namizədləri qeydə alınmayacaq.
Bundan başqa, müstəqil namizəd, tanınmış rejissor Georgi Şenqelaya da öz namizədliyini geri götürüb.
Qeyd edək ki, MSK-da namizədlərin qeydə alınması prosesi sentyabrın 28-də başa çatacaq.
Tarix
2018.09.21 / 01:03
|
Müəllif
Axar.az
|