İsrail hökuməti Fələstin hökuməti adına toplanılan verginin ötən bazar Beytüllahim şəhəri yaxınlığında yerləşən yəhudi yaşayış məntəqəsində bir İsrail vətəndaşını bıçaqlayaraq öldürdüyü iddia edilən fələstinlinin ailəsinə ödəniləcək məbləğ qədər müsadirə olunmasına qərar verib.

Axar.az xəbər verir ki, bu barədə İsrailin Maliyyə naziri Moşe Kahlon danışıb.

Nazir sözügedən fələstinli Xəlil Cabbarinin Cabbarinin ailəsinin iqtisadi fəaliyyətini məhdudlaşdırmaq üçün başqa yolların da axtarılmasını tələb edib.

Kahlon bu qərarın sərt bir reaksiya və eyni zamanda fələstinlilərə pullarını ikiqat itirəcəkləri ilə bağlı mesaj olduğunu bildirib.