16:12

ABŞ-ın rusiyalılar və Rusiya şirkətlərinə qarşı yeni sanksiyaları Rusiya-ABŞ münasibətlərində gərginliyi artırır.

Axar.az xəbər verir ki, bunu jurnalistlərə açıqlamasında Rusiya Xarici İşlər nazirinin müavini Sergey Ryabkov deyib. Onun sözlərinə görə, ABŞ sanksiyaları qlobal stabilliyi pozur.

O, ABŞ-ı “odla oynamamağa” səsləyib.

Ryabkov yeni sanksiyaların ABŞ-ın 2014-cü ildən bu yana tətbiq etdiyi 60-cı sanksiya paketi olduğunu bildirib.

***

ABŞ siyasətçiləri öz şərtlərini təzyiq yolu ilə Rusiyaya qəbul etdirməyə ümid edirlər, amma heç vaxt bunu bacara bilməyəcəklər.

Bu sözləri Rusiya xarici işlər nazirinin müavini Sergey Ryabkov bildirib.

"ABŞ-ın ölkəmizə qarşı sanksiyaları necə yerinə yetirdiyini müşahidə etməyə davam edirik. Bəllidir ki, bu durum orada milli bir əyləncəyə çevrilib. Onlar şərtlərini bizə qəbul etdirə bilməyəcəklər", - Ryabkov söyləyib.