FETÖ ilə bağlı sənədləri göndərməyimizə baxmayaraq, ABŞ rəsmiləri onu mühakimə etməmək üçün əllərindən gələni edirlər.

Axar.az xəbər verir ki, bu sözləri “Röyter”ə açıqlamasında Türkiyə Prezidenti Rəcəb Tayyib Ərdoğan deyib.

“Məhkəmənin mühakimə etdiyi biri barədə “Səni buraxdım, get” demək haqqına sahib deyiləm. Səlahiyyət sadəcə məhkəmənin əlindədir. Branson hadisəsinin bizim iqtisadiyyatımızla əlaqəsi yoxdur. Ölkəmizdə iqtisadi çətinliklər şişirdiləcək bir vəziyyətdə deyil. Türkiyə bunun da öhdəsindən öz imkanları hesabına gələcəkdir”, - Ərdoğan bildirib.

Qeyd edək ki, ABŞ və Türkiyə arasında gərginliyə bəhanə olan keşiş Endryu Bransonun 12 oktyabrda azad oluna biləcəyi bildirilmişdi.