Avropa Birliyi Mərkəzi Asiyanın inkişaf perspektivlərinə inanır və regiona investisiyalar yatırtmaq niyyətindədir.

Axar.az xəbər verir ki, bunu Avropa Birliyinin Xarici Siyasət Xidmətinin Rusiya, Şərq Tərəfdaşlığı və Mərkəzi Asiya bölməsinin rəhbəri Lyuk Devin deyib.

“Biz regionun uzunmüddətli perspektivinə inanırıq. AB-də həmçinin regiona uzunmüddətli perspektivə əsaslanan investisiyalar yatırır. Siz bilirsiniz ki, biz Qazaxıstanla 2015-ci ildə əməkdaşlıq və tərəfdaşlığın genişləndirilməsi barədə danışıqlar aparmışıq. Biz bu işi Qırğızıstan və Azərbaycanla da aparırıq. Çox şadıq ki, Özbəkistanla da bu danışıqlara başlayacağıq.

Avropa Birliyi stabillik üçün regionun inkişafını dəstəkləmək istəyir, çünki bu bazar bizim üçün yenidir. Biz regionda investisiyaları öz köməyimiz vasitəsilə artırırıq. Biz əməkdaşlığımızı təkcə infrastruktur layihələri yox, həm də qaydalar, insanlar baxımından da gücləndirmək istəyirik”.

Qeyd edək ki, keçən həftə Avropa Komissiyası Avropa və Asiya arasında əlaqənin inkişafı barədə strategiyasını təqdim edib. Strategiyaya əsasən, qitələr arasında əlaqə birgə nəqliyyat, energetika və rəqəmsal şəbəkələr vasitəsilə gücləndirilməlidir. Yeni layihədə həmçinin yaxın onillikdə Asiya üçün 1,3 trilyon avro investisiyanın lazım olacağı göstərilir. Bu investisiyanın hazırkı artım tempinin saxlanılması və regionun iqlim dəyişikliyinə adaptasiyası üçün lazım olduğu bildirilir.