Ana səhifə Planet |
Qırğızıstanın Cənubi Koreyadakı səfiri Qılıncbəy Sultan dünya ölkələrindən birindən siyasi sığınacaq istəyib.
Axar.az xəbər verir ki, buna səbəb kimi Sultan Qırğızıstanın yeni hökumətinə etibar etməməsini göstərib:
“Mənim artıq nə yeni hökumətə, nə prezidentə zərrə qədər də inamım var. Mən Qırğızıstanda bu cür hökuməti tanımıram. Biz bilirik ki, həm prokurorluq, həm Milli Təhlükəsizlik Komitəsi hakimiyyətin əlindədir. Buna görə də Qırğızıstana qayıtmayacağam”.
O, siyasi sığınacaq üçün hansı ölkəyə müraciət etdiyini açıqlamayıb.
Qeyd edək ki, Sultan sentyabrda Bişkekdə keçirdiyi mətbuat konfransında Xarici İşlər Nazirliyini çoxsaylı pozuntularda günahlandırmışdı. O, XİN-də korrupsiya hallarını aşkar etdiyini bildirmişdi. Səfir korrupsiya faktlarını ölkə prezidenti və Təhlükəsizlik Şurasına təqdim etmişdi. Bundan sonra Qırğızıstan Xarici İşlər naziri Erlan Abdullayev istefaya getmiş, az sonra isə Sultanın özü də istefaya göndərilmişdi.
Tarix
2018.10.13 / 10:02
|
Müəllif
İlkin Həsənov
|