Beynəlxalq Valyuta Fondunun rəhbəri Kristin Laqarda Səudiyyə Ərəbistanında keçiriləcək Gələcək İnvestisiyalar Təşəbbüsləri Forumuna getmək planından hələlik imtina etməyib.

Axar.az xəbər verir ki, Laqarda bunu Hindistanda jurnalistlərə açıqlamasında deyib. O, Qaşıqçı hadisəsindən şoka düşdüyünü, amma BVF rəhbəri olaraq bütün dünya hökumətləri ilə iş aparmaq məcburiyyətində olduğunu bildirib:

“Mən ölkələrə gedəndə hər zaman öz fikrimi deyirəm. Hazırda planlarımı dəyişmək niyyətində deyiləm. Yaxın günlərdə bu insidentlə bağlı gələcək informasiyaları diqqətlə izləyəcəyəm”.

Qeyd edək ki, Gələcək İnvestisiyalar Təşəbbüsləri Forumu 23-25 oktyabr tarixlərində Məhəmməd bin Salmanın sədrliyi ilə keçiriləcək. İndiyə qədər bir sıra böyük şirkət Qaşıqçı hadisəsinə görə forumda iştirakdan imtina edib.