Gürcüstan parlamentinin eks-spikeri Nino Burcanadze 13 oktyabrda Gürcüstan Rus Gənclər İttifaqının təşkilatçılığı ilə keçiriləcək Xalq Diplomatiyası – Kompromis Dialoqu forumunun təhlükəsizlik problemləri məqsədiylə ləğv edilməsini kəskin şəkildə tənqid edib.

Axar.az xəbər verir ki, Burcanadze Gürcüstanın getdikcə bataqlığa doğru itələndiyini söyləyib.

“Kimin həqiqəti, kimin yalanı dediyini ayırmaq imkanlarımız yoxamı çıxıb? Biz elə qorxudulmuşuq ki, hətta hansısa ekspertin gəlişindən də qorxuruq. Sanki bu şəxs bütün reallığı dəyişəcək. Situasiya belədir ki, ölkə davamlı olaraq bataqlığa batırılır” – deyə o bildirib.