Keçmiş casus Sergey Skripal və qızının həyatda olub-olmaması ilə bağlı heç bir bilgiyə sahib deyilik.

Axar.az xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova "Pravo Znat" verilişində deyib.

“Biz Skripalları görmədik. Onlar gerçək insanlardır. Əvvəllər həyatda idilər, indi bilmirəm. Yuliya Skripal bir dəfə göründü. Bu çox qəribə şərtlərlə müşayiət olundu. Çəkilişin harada və kimlər tərəfindən edildiyi anlaşılmır. Sergey Skripalı isə heç kim görmədi. Bu insanların harada olduqlarını bilmirik".

Qeyd edək ki, bu ilin mart ayında Solsberi şəhərində Rusiya Baş Kəşfiyyat İdarəsinin keçmiş zabiti Sergey Skripal və qızını zəhərləyiblər. Böyük Britaniyada bu hadisə Rusiya tərəfindən həyata keçirilən sui-qəsd olaraq dəyərləndirilib.