Ana səhifə Planet |
Həqiqətin üzə çıxması, tam olaraq nə baş verdiyi və kimin məsuliyyət daşıması məsələsi aydınlaşdırılmalıdır.
Axar.az xəbər verir ki, bunu BMT-nin Baş katibi Antonio Quterreş jurnalsit Camal Qaşıqçının itkin düşməsi ilə bağlı BBC-yə açıqlamasında deyib. O bildirib ki, beynəlxalq ictimaiyyət bu cür hadisələrin sayının artmasına icazə verməməlidir.
Quterreş həmçinin hadisənin arxasında Səudiyyə Ərəbistanı rəhbərliyinin olması, Ər-Riyadda keçiriləcək investisiya konfransına gedilib-gedilməməsi ilə bağlı sualı da cavablandırıb:
“Nə baş verməsi ilə bağlı konkret cavab lazımdır. Hökumətlər buna uyğun formada reaksiya verməlidir”.
Qeyd edək ki, müxalifətçi ərəb jurnalist Camal Qaşıqçı oktyabrın 2-də rəsmi prosedurlarla əlaqədar Səudiyyə Ərəbistanının İstanbuldakı Baş Konsulluğuna gedib və bir daha ondan xəbər almaq mümkün olmayıb. C.Qaşıqçının Səudiyyə Ərəbistanının sifarişi ilə öldürüldüyü iddia edilir.
Tarix
2018.10.14 / 00:29
|
Müəllif
Büllurə Yunus
|