Ermənistanın Daxili Qoşunlarında narazılıq artmağa başlayır.

Axar.az xəbər verir ki, bu informasiyanı “Qraparak” qəzeti yayıb.

“Polislər əvvəllər kifayət qədər yumşaq şəraitdə işləyib və indi onlar yeni sistemə - sərhəddə xidmət keçməyə öyrəşə bilmirlər. Buna görə indiyə qədər onlarla şəxs sistemdən uzaqlaşıb. Onlar sərhəddə növbətçiliyə görə verilən əlavə 32 min dramdan imtina ediblər”, – deyə qəzet bildirib.

Qeyd edək ki, Nikol Paşinyan hakimiyyətə gəldikdən sonra hərbçi çatışmazlığı ucbatından Daxili Qoşunların hərbçilərini sərhəd ərazilərə göndərməyə başlayıb. Onun verdiyi qərara əsasən, Daxili Qoşunların hərbçiləri 15 gün sərhəddə xidmət keçməlidirlər.

Bu hərbçilər daha çox Azərbaycan-Ermənistan sərhədinə göndərilir.