Naməlum şəxslər Haiti Prezidenti Joveleniya Moizaya qarşı sui-qəsdə cəhd edib.

Axar.az RİA-ya istinadən xəbər verir ki, hücum cəhdində dövlət başçısı xəsarət almayıb.

Olay Pon-Ruj şəhərində ölkə qurucusu Jan-Jaka Dessalinanın 212-ci illiyi şərəfinə keçirilən mərasim zamanı baş verib.

Bildirilib ki, milli qəhrəmanın abidəsinə gül qoyan zaman sui-qəsdçilərdən biri prezidentə tərəf atəş açıb.

Lakin güllə hədəfdən yayınıb və prezident təhlükəsiz şəkildə ərazidən uzaqlaşdırılıb.

Hücum zamanı iki mühafizəçinin yaralandığı deyilir.

İnsidentin digər təfərrüatları, hansı məqsədlə və kimlər tərəfindən törədilməsi barədə məlumat verilmir.