Ana səhifə Planet |
Ər-Riyad dünya neft bazarının ən böyük tədarükçülərindən biri kimi fərqli mexanizmlərdən istifadə edərək yaxın zamanlarda neft qiymətlərini 120 dollara qədər artıra bilər.
Axar.az xəbər verir ki, bunu “Haqqin.az”a açıqlamasında qazaxıstanlı iqtisadçı Sergey Smirnov deyib.
“Belə yüksək qiymətləri çox az müddət - təxminən 2-3 həftə bu vəziyyətdə saxlamaq olar. ABŞ-ın dünya bazarında neft qiymətlərini endirməsi üçün təsir vasitələri var. Neft qiymətlərinin dayanıqlı şəkildə yüksəlişi üçün Səudiyyə Ərəbistanı digər böyük neft tədarükçüləri, ilk növbədə İranla gücünü birləşdirməlidir. Lakin bu, Ər-Riyadla Tehran arasındakı dərin siyasi ziddiyyətlər ucbatından mümkünsüzdür. Rusiyaya gəlincə isə onun neft sahəsində öz planları var. Moskvanın neft hasilatını gözlənilmədən azaltmaqla razılaşacağını söyləmək mümkün deyil. Yəni neft spekulyativ səbəblərdən 120 dollara qalxsa belə, qısa müddətdən sonra yenidən 80 dollar səviyyəsinə düşəcək”, – deyə o bildirib.
Tarix
2018.10.20 / 15:54
|
Müəllif
İlkin Həsənov
|