Bu gün Yaxın və Orta Mənzilli Raketlərin Ləğvi haqqında razılaşma Rusiyaya 30 il öncədən daha vacibdir.

Axar.az xəbər verir ki, bu sözləri öz Feysbuk səhifəsində Rusiyanın Yabloko Partiyasının rəhbəri Qriqori Yavlinski paylaşıb.

“Tramp Yaxın və Orta Mənzilli Raketlərin Ləğvi haqqında razılaşmadan çıxmaq istədiyini bildirdi. Məhz bu müqavilə Avropada böyük müharibə riskini azaldırdı. Əgər razılaşma bitsə, o zaman yenidən Amerikanın “Perşinq” kimi raketləri Avropada yerləşdiriləcək. Lakin bu dəfə raketləri biz Şərq Avropada – Rumıniyada, Bolqarıstanda, Polşada, Baltikyanı ölkələrdə, Ukraynada və ya Gürcüstanda görəcəyik. Aydındır ki, Rusiya üçün bu, qəbuledilməzdir. Əgər müqavilə ləğv edilsə, bu, Rusiyanın bütün müdafiə strategiyasının məhvi olacaq.

Bu gün bizim geostrateji situasiyamızı 1987-ci ildən daha çətin və pisdir. Artıq nə Varşava Müqaviləsi, nə də SSRİ var. Rusiyanın nüvə gücləri tərəfdaşları, eləcə də etibarlı hərbi siyasi müttəfiqləri yoxdur. Putinin provokasiya etdiyi hərbi rəqabət külli miqdarda xərc tələb edir, amma Rusiya iqtisadiyyatı bu gün NATO ilə müqayisədə çox kiçikdir və yüksəlişdən çox uzaqdır. Bu gün Rusiya üçün bu müqavilə 30 il əvvəldən daha vacibdir”, – deyə o bildirib.