Rusiyanın Həştərxan vilayətində, Axtubinsk şəhərində yerləşən “Hiyləgər” (Xitrıy) bazarının ticarət köşkündə baş verən yanğın söndürülüb.

Axar.az xəbər verir ki, bu barədə Rusiyanın Fövqəladə Hallar İdarəsi məlumat yayıb. Bildirilib ki, ərazidə yanğının baş verməsi ilə bağlı yerli vaxtla 18:40-da məlumat çatıb.

Yanğın ümumilikdə 2,5 min kv/metr ərazini əhatə edib. 3-cü dərəcə ilə qiymətləndirilən yanğın 19:55-də lokallaşdırılıb, 22:35-də isə tam söndürülüb.

Yaranan qatı tüstü nəticəsində yaxınlıqdakı evlərdən 85 insan evakuasiya edilib.

Qeyd edək ki, yanğının fəsadlarının aradan qaldırılması üçün sabah əraziyə 23 nəfərlik qrupun göndəriləcəyi bildirilib.