Gələcəkdə Rusiyada yerli kriptovalyuta yaradıla bilər.

Axar.az RİA-ya istinadən xəbər verir ki, bu barədə rusiyalı deputat Anatoli Aksakov danışıb. O bildirib ki, milli kriptovalyuta ölkədə hesablaşmalarda və blokçeyn-servislərdə yeganə qanuni ödəniş vasitəsi kimi istifadə edilə bilər:

“Bu, eynilə rubldur, sadəcə rəqəmsal formada... Sözügedən resurs pul və kriptopul mübadiləsinə imkan verir. Məsələn, siz banka 100 min rubl pul yatırırsınız və 100 min kriptorubl əldə edirsiniz. Bu vasitələrlə siz qeydə alınmış blokçeyn malları ala bilərsiniz”, - Aksakov bildirib.

Onun sözlərinə görə, Rusiya iqtisadiyyatının blokçeyn texnologiyası ilə bağlı prosesləri izləməsi üçün yerli kriptovalyutanın yaradılması qaçılmaz olacaq.