ABŞ Prezidenti Donald Trampla yaranan mübahisə nəticəsində CNN müxbiri Cim Askotanın Ağ Ev üçün nəzərdə tutulan vəsiqəsinin ləğv edilməsindən sonra bu qərarının digər jurnalistlərə də tətbiq ediləcəyi barədə xəbərdarlıq edilib.

Axar.az xəbər verir ki, Tramp Paris səfərindən öncə Ağ Evin bağçasında verdiyi açıqlamada kartın ləğv edilməsi ilə bağlı qərarı özünün vermədiyini bildirib.

"Ağ Ev müqəddəs məkandır, xüsusi bir yerdir, Ağ Evə hörmət edilməlidir. Prezidentə hörmətlə davranılması lazımdır. Jurnalistin vəsiqəsinin ləğv edilməsi qərarını mən vermədim, amma bu, başqalarına də tətbiq edilə bilər”, - Tramp deyib.

Donald Tramp Cim Askotanın sözçüsünə hörmətsizlik etdiyini bildirsə də, sözügedən qərarın digər hansı jurnalistlərə tətbiq ediləcəyi ilə bağlı məlumat verməyib.

Qeyd edək ki, ötən gün bələdiyyə seçkiləri ilə bağlı mətbuat konfransında iştirak edən ABŞ Prezidenti Donald Tramp CNN müxbirinin miqrantlarla bağlı sualına kəskin reaksiya vermişdi.