Fransa Prezidenti Emmanuel Makronun Avropanın yeni təhlükəsizlik arxitekturasını Rusiya ilə birgə qurmaq barədə çağırışları həvəsləndirici siqnaldır.

Axar.az xəbər verir ki, bunu jurnalistlərə açıqlamasında Rusiyanın Fransadakı səfiri Aleksey Meşkov deyib. Onun sözlərinə görə, Moskva Avropa ilə bərabərhüquqlu və qarşılıqlı hörmət şəraitində qurulacaq dialoqa hazırdır:

“Biz fransız liderinin konstruktiv yanaşmasını yalnız alqışlaya bilərik. Biz artıq birinci il deyil ki, avropalı tərəfdaşlarımıza Avropanın təhlükəsizlik arxitekturasının qurulması üçün bərabərlik prinsipi əsasında danışıqlar aparılmasını təklif edirik”.

Qeyd edək ki, Makron avqust ayında Avropanın təhlükəsizlik arxitekturasının Rusiya ilə birgə qurulması gərəkdiyini bildirib.