ABŞ Prezidenti Donald Tramp milli təhlükəsizlik üzrə müşaviri Con Boltonun müavini Mira Rikardeli Melaniya Trampla mübahisə etdiyinə görə vəzifəsindən azad edəcək.

Axar.az xəbər verir ki, bu barədə “Röyter” yazıb.

Məlumata görə, birinci xanım Mira Rikardelin ona qarşı rəftarından narazı olması barədə Donald Trampa şikayət edib və dərhal onu vəzifəsindən azad etməsini istəyib.

Melaniya Tramp və Rikardel arasında narazılıq birinci xanımın oktyabr ayında Afrikaya səfəri zamanı yaşanıb. Bəzi mənbələr səfər zamanı tərəflər arasında münasibətlərin yaxşı olmadığını, bəziləri isə Rikardelin birinci xanımı Afrika turu üçün ayrılan resurslardan məhrum etməyə çalışdığını qeyd edib.