İsrail HƏMAS-ın varlığını qəbul etməlidir.

Axar.az xəbər verir ki, bu sözləri MOSSAD rəhbərinin keçmiş müavini Ram Ben-Barak deyib. O bildirib ki, İsrail Qəzzada yaşayan 2,5 milyon insanın vəziyyətini təcili düzəltməlidir:

“Biz HƏMAS hakimiyyətini dəyişdirməkdə məsul deyilik. Bu, Fələstin administrasiyasının işidir. Mahmud Abbasın Qəzzanı ələ keçirməsi üçün HƏMAS-a savaş açmarıq. Atəşkəsi təmin etməli və Misirlə birlikdə çalışmalıyıq”.

Qeyd edək ki, İsrail bir neçə gün öncə HƏMAS-la atəşkəs elan edib. Atəşkəs razılaşmasından dolayı hətta İsrailin Müdafiə naziri Aviqdor Liberman istefaya gedib. Liberman Qəzza zolağına zərbə etdirilməsinin tərəfdarıdır.