Ana səhifə Planet |
Camal Qaşıqçının ölüm əmrini Səudiyyə Ərəbistanı vəliəhdi Məhəmməd bin Salman verib.
Axar.az xəbər verir ki, bu məlumatı “Vaşinqton Post” qəzeti Mərkəzi Kəşfiyyat İdarəsindəki mənbəsinə istinadən yayıb.
MKİ-nin bununla bağlı yekun rəy hazırladığı qeyd olunub. Buna əsasən, Məhəmməd bin Salmanın ABŞ-dakı qardaşı, eyni zamanda Ər-Riyadın ABŞ-da səfiri olan Xalid bin Salmanın Türkiyəyə gəlməzdən əvvəl Camal Qaşıqçı ilə telefonla danışdığı müəyyən olunub. Danışıqlar zamanı Xalid bin Salman Qaşıqçının İstanbuldakı baş konsulluğa müraciət etməsi üçün heç bir təhlükənin olmadığını deyib. Məlumat görə, bu danışıq Məhəmməd bin Salmanın tapşırığı ilə gerçəkləşdirilib.
Hələlik MKİ-nin Xalid bin Salmanın cinayətdə əlinin olub-olmaması haqqında məlumatlara sahib olmadığı vurğulanıb.
Tarix
2018.11.17 / 10:36
|
Müəllif
İlkin Həsənov
|