Mayk Pensin sədaqətindən qətiyyən şübhəm yoxdur.

Axar.az xəbər verir ki, bu sözləri ABŞ Prezidenti Donald Tramp “Nyu York Tayms” qəzetinin iddialarını cavablandırarkən deyib.

“Mayk Pens mənə yüz faiz sadiqdir. Ağlımda tək bir şübhə yoxdur. İlk seçkilərdə qalib gəldiyim gündən bəri yanımdadır”, - Tramp bildirib.

ABŞ Prezidenti şəxsi Tvitter səhifəsində də Mayk Pens barədə yazılanlara cavab verib:

“Heç bir prezidentin köməkçisi ilə münasibətinin ikimizin münasibəti qədər yaxşı olduğunu düşünmürəm. Sadəcə daha çox yalan xəbər... Xalqın düşmənləri...”

Pens isə mediaya açıqlamasında “Nyu York Tayms” qəzetinin sözügedən xəbərini Trampla müzakirə etdiklərini və çox güldüklərini söyləyib.

Qeyd edək ki, “Nyu York Tayms” qəzeti Donald Trampın Mayk Pensin sədaqətindən şübhə duyduğunu iddia etmişdi.