Əlcəzair Prezidenti Əbdələziz Buteflika Mərakeş Kralı VI Məhəmmədə müstəqillik günü münasibətilə təbrik məktubu ünvanlayıb.

Axar.az xəbər verir ki, təbrik məktubuna qarşılıq verilməməsi iki ölkə arasında gərginliyə səbəb olub.

Bildirilir ki, Buteflika təbrikində Mərakeş kralının daha öncə iki ölkə arasında dialoqun yenidən başlaması barədə dəvətinə yer verməyib. Belə ki, kral bu ilin noyabrın 6-da Əlcəzairlə münasibətlərin normallaşdırılması və 1994-cü ildən bu günə qədər qapalı qalan sərhədlərin açılmasını təklif etmişdi. Hazırda məktuba reaksiya verilməməsi siyasi manevr kimi dəyərləndirilir.