İnkişaf edən heç bir ölkə Çinlə ortaqlıqdan borc çuxuruna sürüklənmədi.

Axar.az xəbər verir ki, bu açıqlama ilə Çin Xarici İşlər Nazirliyinin sözçüsü Xua Çunyinq çıxış edib.

Asiya Sakit okean İqtisadi Əməkdaşlıq Sammitində ABŞ vitse-prezidenti Mayk Pensin Çinin regionda infrastruktur layihələri üçün çox ağır kreditlər verməsi ilə bağlı açıqlamasına kəskin münasibət bildirən Çunyinq deyib:

"Vaşinqton başqalarını tənqid etməkdənsə, öz hərəkətləri ilə sözlərinin bir-birini tamamlanmasını təmin etməlidir. Çin qarşılıqlı hörmət və fayda əsasında dünyanın bir çox ölkələri ilə əməkdaşlığını inkişaf etdirir. Bu əməkdaşlığı təşviq edən Çin tərəfi ədalət və səmimiyyət prinsiplərinə sadiq qalaraq və imkanları çərçivəsində bu ölkələrin sosial-iqtisadi inkişafına töhfə verir".