Ana səhifə Planet |
Afrika Birliyi Səudiyyə Ərəbistanına gedən və daha sonra yoxa çıxan Qabon Prezidenti Əli Bonqo ilə bağlı bəyanat yayıb.
Axar.az xəbər verir ki, Afrika Birliyi Komissiyasının sədri Musa Fərqi Məhəmməd Qabon prezidentinin səhhəti ilə bağlı narahat olduqlarını bildirib. Bəyanatda qeyd edilir ki, Afrika Birliyinin mətbuat departamenti Qabona nümayəndə heyəti göndərəcək və ölkədəki siyasi durumu araşdıracaq.
Qeyd edək ki, Qabon dövlət başçısı Əli Bonqo Ondimba Səudiyyə şahzadəsi Məhəmməd bin Salmanla birgə konfransa qatılmaq üçün oktyabrın 24-də Ər-Riyada səfər edib. Həmin gündən bu vaxta qədər Ondimbadan xəbər alınmaması onun Ər-Riyadda öldürülməsi barədə məlumatların yayılmasına səbəb olub. Bəzi iddialara görə, prezident qəfil xəstələnib və xəstəxanaya yerləşdirilib. Lakin bu iddiaları doğrulayan fakt yoxdur.
Bonqonun səlahiyyətlərini qismən köməkçisi Pier Klaver Maqanqa həyata keçirir.
Tarix
2018.11.20 / 19:19
|
Müəllif
Pərviz Həsənov
|