Bu gün Ermənistanda onlarla şəxs Baş Prokurorluğun qarşısında Köçəryana azadlıq tələbi ilə aksiya keçirib.

Axar.az xəbər verir ki, “Prezidentə azadlıq” təşəbbüs qrupunun keçirdyi aksiyada çıxış edən təşkilatçılardan biri Armen Minasyan hakimiyyəti “Qarabağ qəhrəmanları”na qarşı diskriminasiyada günahlandırıb.

“Hakimiyyət qorxu mühiti yaradır, insanlar donosdan qorxur və ona görə də çoxları mitinqə gəlməkdən imtina edir”, - Minasyan mitinqə az admın gəlməsini bu sözlərlə əsaslandırmağa çalışıb.

Qeyd edək ki, iyulun sonunda Köçəryan 1 mart 2008-ci il hadisələri ilə bağlı həbs edilmişdi. Ancaq Apellyasiya Məhkəməsi 13 avqustda bu qərarı ləğv etdi və o, azadlığa buraxıldı. Baş Prokurorluq isə Kassasiya Məhkəməsinə şikayət verdi. İş yenidən Apellyasiya Məhkəməsinə qaytarıldı və 7 dekabrda Köçəryan növbəti dəfə həbs edildi.

Bunun ardınca yaradılan “Prezidentə azadlıq” təşəbbüs qrupu 11 dekabrdan başlayaraq, silsilə aksiyalar keçirəcəyini açıqlayıb.