Ukrayna Xarici Kəşfiyyat Xidməti MDB ölkələrinin kəşfiyyat xidmətləri və təhlükəsizlik orqanlarının əməkdaşlıq istiqamətlərinin əsasları və prinsipləri haqqında razılaşmadan çıxır.

Axar.az xəbər verir ki, bu barədə məlumat Ukrayna Xarici Kəşfiyyat Xidmətinin saytında yer alıb.

“Ukrayna kəşfiyyatının Rusiya xüsusi xidmət orqanları ilə yeni razılaşmada iştirakı Rusiyanın Ukraynaya qarşı 5 illik aqressiyasını nəzərə alsaq, absurd məsələdir. Ukrayna Xarici Kəşfiyyat Xidməti bundan sonra da avroatlantik məkandakı tərəfdaşları ilə birgə Rusiya xüsusi xidmət orqanlarının destruktiv fəaliyyətinin neytrallaşması istiqamətində aktiv iş aparacaq”, – deyə məlumatda bildirilib.