Ermənistanın “Qraparak” qəzeti ölkənin xarici siyasətini sərt tənqid edib.

Axar.az xəbər verir ki, qəzet Xarici İşlər Nazirliyinin Zöhrab Mnatsakanyanın görüşləri barədə yetərli məlumat vermədiyini və bəzi məqamları gizlətdiyini bildirib.

“XİN-in saytında informasiya var ki, dekabrın 4-də NATO Baş Qərargahında nazir Zöhrab Mnatsakanyan NATO baş katibinin müavini Rouz Qotmüllerlə görüşüb. Maraqlısı odur ki, sayt nazirin NATO baş katibi Yens Stoltenberqin qəbuluna düşmək üçün hər şeyi etdiyini, amma baş katibin onu qəbul etmədiyini yazmır.

Saytda həmçinin 6 dekabrda Milanda ATƏT xarici işlər nazirlərinin görüşü zamanı Mnatsakanyanın ABŞ Dövlət katibinin Avropa və Avrasiya üzrə köməkçisi Aaron Ves Miçellə görüşdüyü haqqında məlumat yayılıb. Amma nədənsə Mnatsakanyanın 4 dekabrda ABŞ Dövlət katibi Mayk Pompeo ilə Brüsseldə görüşmək üçün hər şeyi etdiyini, lakin heç bir uğur əldə edə bilmədiyini yazmır”, – deyə qəzet bildirib.