Rusiyanın NATO sərhədləri hüdudundakı hava əməliyyatları adətən beynəlxalq normalar çərçivəsində həyata keçirilir, lakin bəzən Alyansın hava məkanı pozulur.

Axar.az RİA Novostiyə istinadən bildirir ki, bu barədə Alyansın Baş katibi Yens Stoltenberq bəyan edib.

"Biz NATO sərhədlərində Rusiyanın hərbi hava fəaliyyətinin aktivləşməsini müşahidə edirik. Rusiyanın hava əməliyyatları adətən beynəlxalq hava məkanında öz yerinə uyğun olur və beynəlxalq normaları pozmur. Lakin o, bəzən kifayət qədər təcavüzkar xarakter kəsb edir. Bəzən isə hətta NATO-nun hava məkanını pozur, bu isə əlbəttə, beynəlxalq öhdəliklərin pozulması deməkdir", - deyə Stoltenberq jurnalistlərə bildirib.

Rusiya Müdafiə Nazirliyi əvvəllər də dəfələrlə bildirib ki, Rusiya HHQ təyyarələrinin bütün uçuşları neytral sular üzərindəki hava məkanının istifadəsinin beynəlxalq qaydalarına ciddi riayət etməklə və digər dövlətlərin sərhədlərini pozmamaq şərtilə həyata keçirilir.