"Mustafa Kamalın ilk tələbəsi Mussolini, ikincisi isə mənəm. Bütün enerjimi Atatürkdən alıram. O, bizim həyat işığımızdır".

Axar.az-ın məlumatına görə, Adolf Hitler həyatı boyu Mustafa Kamal Atatürkün heyranı olub. Adolf Hitler bu heyranlığını müxtəlif vasitələrlə bir neçə dəfə dilə gətirib. O, hətta Atatürkə "Mersedes" markalı avtomobil də hədiyyə edərək ona heyran olduğunu bildirib.

Hitlerin məşhur olmayan "Süfrə söhbətləri" kitabında Atatürk haqqında söylədiyi fikirlər ona heyran olduğunu bir daha göstərir:

"Bizim məqsədimiz dünyada nasistlərin hegemonluğunu qurmaqdır. Lakin mən Türkiyə ilə heç vaxt düşmən olmayacağam… Yəni dünyada savaşmayacağım tək ölkə Türkiyədir. Mavi gözlü Mustafa Kamal bizə demokratiya və milliyətçiliyin nə olduğunu öyrədib… Mənim ustam 2-ci Duçedir, amma onun ustası da Mustafa Kamaldır. Mustafa Kamalın ilk tələbəsi Mussolini, ikincisi isə mənəm. Bütün enerjimi Atatürkdən alıram. O, bizim həyat işığımızdır".