Türkiyə Prezidenti Rəcəb Tayyib Ərdoğan Rusiya lideri Vladimir Putinin ona sürpriz bir təklif etdiyini açıqlayıb.

Axar.az xəbər verir ki, Ərdoğan Putinin "Cənub axını" layihəsi adının "Türk axını" olaraq adlandırılması barədə fikir irəli sürdüyünü bildirib.

Ərdoğan müqavilə əsasında "Cənub axını"nın bitəcəyini, Putinin də yeni layihəni "Türk axını" adlandırarıq istiqamətində təklif irəli sürdüyünü qeyd edib.

Türkiyə lideri yeni qaz kəmərinin Qara dənizdən və Türkiyə sərhədlərindən Yunanıstan sərhədinə qədər uzanacağını vurğulayıb. Avropanın da istəyəcəyi halda, onlara da təbii qaz verilə biləcəyini söyləyib.